എനിക്ക് പേരില്ല ..പക്ഷെ
ഒരായിരം പേരുകള്‍ ആണ് ഞാന്‍ .
എനിക്ക് നാടില്ല ..പക്ഷെ
ഒരായിരം നാടുകള്‍ ആണ് ഞാന്‍ .
മനസ്സുണ്ട് ...ഒരു മനസ്സല്ല ..
ഒരായിരം മനസ്സുകള്‍ ഒരുമിച്ചുണരുന്ന ജ്വലിക്കുന്ന പ്രഭാതം പോലൊരു മനസ്സ് .
എനിക്ക് ശബ്ദമുണ്ട്‌
നട്ടുച്ചയ്ക്കും ഇരുട്ടുണ്ടാക്കി
പട്ടിണിക്കാരനെ പിന്നെയും പിന്നെയും കബളിപ്പിക്കുന്ന
ഇരുതലപ്പാമ്പുകളുടെ ബധിര ശരീരത്തില്‍
തീമഴ പെയ്യിക്കുന്ന
പ്രതികാരത്തിന്‍റെ പ്രചണ്ഡമായ ശബ്ദം
ഞാന്‍ ഇന്ത്യക്കാരന്‍
അവനവന്‍റെ ആസ്തികളുടെ
വിസ്താരത്തിലേക്ക്
ലോകത്തെ ചുരുക്കുന്ന ,
മലയെ വില്‍ക്കുന്ന ,പുഴയെ വില്‍ക്കുന്ന ,
ഹൃദയങ്ങളെ വെറുപ്പില്‍ തളച്ചിട്ട്
അതിന്മേല്‍ ഒരു സിംഹാസനം പണിത്
അതിന്മേല്‍ ഇരിക്കുന്നവന്റെ
ചെകിട്ടത്ത്
ആഞ്ഞടിക്കാന്‍ ചങ്കുറപ്പുള്ള
ഇന്ത്യക്കാരന്‍ ...അതാണ്‌ ഞാന്‍ ...മാവോവാദി ..
..........................................................
No comments:
Post a Comment