ഫ്ലാഷ് ന്യൂസ്‌ ആത്മഹത്യക്ക് .....

           തെഹല്‍ക്ക  ഹൈപ്  ഫ്ലാറ്റിലെ  പത്താം നമ്പര്‍  വീട്ടിലെ  ക്ലോക്ക്  ആറുതവണ  അടിച്ചു .  വെളുപ്പാന്‍ കാലത്ത്  കണ്ട സ്വപ്നത്തെ  ഓര്‍ത്തെടുക്കാന്‍ ശ്രമിച്ചു കൊണ്ട്  ഉണര്‍ന്നു  കിടന്ന  breaking news  ചാടി എഴുനേറ്റു .    മോര്‍ണിംഗ് പരിപാടിയൊക്കെ  കഴിഞ്ഞു ,  ആവി പറക്കുന്ന  ഒരു കപ്പു  കാപ്പിയുമായി  ബാല്‍കണിയില്‍  വന്നു  നിന്നു .

  താഴെ  കുറച്ചകലെ  റെയില്‍വേ  സ്റ്റേഷന്‍ ..ചേര്‍ന്നും  പിരിഞ്ഞും  ദൂരേക്ക് പായുന്ന  ട്രാക്കുകള്‍ ...ചൂളം വിളിച്ച്  മെല്ലെ  കിതച്ച് വന്നു നില്‍ക്കുന്ന ട്രെയിനുകള്‍ ....

  എല്ലാ ദിവസവും  കാണുന്ന കാഴ്ചകള്‍ ...എന്നാല്‍ ഒരിക്കല്‍  പോലും  വിരസത  തോന്നിയിട്ടില്ല ...

അപ്പോഴാണ്‌  അഞ്ചാം  ട്രാക്കിലൂടെ  ഒരാള്‍  വളരെ  സാവകാശം  നടക്കുന്നത്  ബ്രെയിക്കിംഗ്  ന്യൂസ്‌ ന്റെ  കണ്ണില്‍ പെട്ടത് ....പരിചയമുള്ള  രൂപം ...ഒന്ന് കൂടി  സൂക്ഷിച്ചു നോക്കി ....

അയ്യോ ..!  അത്  flash news അല്ലെ ....ഇവനെന്തിനാ  രാവിലെ  ട്രാക്കില്‍  കൂടെ നടക്കുന്നത് ....

ബ്രെയ്ക്കിംഗ്  ന്യൂസ്‌ ന്റെ  മനസ്സില്‍  പരിഭ്രമം  കുന്നു കൂടി ... അവന്‍  റൂമിലേക്ക് ഓടി   സെല്‍ ഫോണ്‍  എടുത്ത്  നമ്പര്‍ ഡയല്‍ ചെയ്തു ...ഭാഗ്യം അവന്റെ കയ്യില്‍ ഫോണ്  ഉണ്ട് ...

''ഹലോ ...എടാ നീയെന്താ ഈ കാണിക്കുന്നേ ?''

''എന്ത് കാണിക്കുന്നു ..ഞാന്‍ ട്രാക്കിലൂടെ  നടക്കുന്നു ..നിനക്ക്  കാണാന്‍ പാടില്ലേ .?''

ഇവനെന്താ  ഇങ്ങനെ ...വല്ലാത്ത ഗൌരവം  ശബ്ദത്തില്‍ ..

''എടാ പൊട്ടാ  ട്രെയിന്‍ വരും ഇപ്പൊ ''

''വരട്ടെ ..അതിനു തന്നെയാ  ഞാന്‍  നടക്കുന്നെ ...മരിക്കണം ..എനിക്ക് മതിയായി ..''

''മരിക്കാനോ ..എന്തൊക്കെയാ  നീ ഇപ്പറയുന്നെ ..വട്ടായോ നിനക്ക് ?''

''വട്ടാവും  മുമ്പേ  മരിക്കണം ..നീ നിന്റെ പണി നോക്കി പോ .....''

breaking newsനു  ശരീരം അടിമുടി വിറച്ചു .പിന്നെ ഒന്നും ആലോചിച്ചില്ല ..കോണിപ്പടികള്‍  ചാടിയിറങ്ങി ..ഓടി ...ഒരു വിധത്തില്‍ അവന്‍ താഴെ ട്രാക്കിലെത്തി ...flash news നെ ഒറ്റ തള്ളിനു  ട്രാക്കിന് പുറത്തിട്ടു ....ആഞ്ഞു വീശി ചെകിടത്ത് ഒന്ന് കൊടുക്കാനാ തോന്നിയത് ..പക്ഷെ  ചെയ്തില്ല ..

അവനെ  മാറ്റി നിര്‍ത്തി ..ശ്വാസം വീണ്ടെടുത്ത്  ചോദിച്ചു ..

''

''പറ ...എന്താ  നിന്റെ പ്രശ്നം ..?''

ഞാനവന്റെ  മുഖത്തേക്ക് നോക്കി ...കണ്ണുകള്‍ ചുവന്നിരിക്കുന്നു ...ദേഷ്യമാണോ  സങ്കടമാണോ  അവന്റെ  ഉള്ളില്‍  എന്നൊന്നും പിടികിട്ടിയില്ല .....നോട്ടത്തില്‍ ഒരു തരം  പക ..

''മതിയായെടാ ...എനിക്കീ  പണി  മടുത്തു ...എന്തൊക്കെയാ  ഈ ചാനലുകാര്‍ എന്റെയും  നിന്റെയും  പേരില്‍  ഓരോ ദിവസവും   കാണിക്കുന്നത് ?..

പണ്ടൊക്കെ  വല്ല യുദ്ധമോ  ഭൂകമ്പമോ ..ഏതെങ്കിലും മഹാന്മാരുടെ  മരണമോ ഒക്കെ അല്ലെ  നമ്മുടെ പേരില്‍ കാണിച്ചിരുന്നത് ....

ഇന്നോ ...നാട്ടിലെ  സകല തെണ്ടിത്തരങ്ങളും  ഫ്ലാഷ് ന്യൂസും  ബ്രെയിക്കിംഗ് ന്യൂസും ആയി വരികയല്ലേ ..? കണ്ടവന്റെ വെട്ടിപ്പും  പറ്റിപ്പും  പാരവെപ്പും ..

എടാ..ഏതെങ്കിലും ഒരു നേതാവ് കക്കൂസില്‍ പോയി  വരാന്‍ അല്പം വൈകിയാല്‍  അതും ഇവന്മാര്‍  ഫ്ലാഷ് ന്യൂസ്‌ ആയി കൊടുക്കും ...ഇതെന്താടാ ..വെള്ളരിക്കാ പട്ടണമോ ?''

എല്ലാം സഹിക്കാം ..ഇപ്പോഴത്തെ  പീഡന കഥകളും  ചില അച്ഛന്മാരുടെ  പറയാന്‍ പോലും കൊള്ളാത്ത  കഥകളും നമ്മുടെ പേരിലല്ലേടാ വരുന്നത് ..

...

നിനക്കറിയോ  ദിവസവും  എന്റെ കൂടെ ഉറങ്ങുന്ന എന്റെ കുഞ്ഞു മോള്‍  എന്നെ കാണുമ്പോ പേടിച്ചോടുന്നെടാ ...കഴിഞ്ഞ  ദിവസം ഓഫീസില്‍ പോകാന്‍ നേരത്ത്  ഒരുമ്മ  ചോദിച്ചിട്ട് എന്റെ കുഞ്ഞു തന്നില്ലെടാ ...എനിക്കിനി ജീവിക്കണ്ട ...

''പോട്ടെടാ ..നീ ഇങ്ങനെ  ചാടിച്ചത്താല്‍  ഈ പ്രശ്നങ്ങള്‍ ഒക്കെ തീരുമോ ? നിനക്ക് പകരം  മറ്റൊരാള്‍  ആ ജോലി  ഏറ്റെടുക്കും ...നിന്റെ  ആത്മഹത്യാ വാര്‍ത്ത ഫ്ലാഷ് ന്യൂസ്‌ ആയി  വരും ...നിന്റെ കുഞ്ഞു മോള്‍  കരയുന്നത്  പലതവണ  ഫ്ലാഷ് ആയി ചാനലില്‍ മിന്നി മറയും ...

  ''

''വാ ....ഇപ്പൊ തന്നെ  വൈകി ...നമ്മള്‍ എത്താഞ്ഞിട്ട്  ഏതെങ്കിലും കൂതറ ന്യൂസ്‌  അവിടെ  ഡസ്ക്കില്‍  കിടന്നു പുളയുന്നുണ്ടാവും ....

      .........................................................................................................................

.